رەجەب تەیب ئەردۆغان سەرۆک کۆماری تورکیا لە پەیوەندیێکی تەلەفۆنی لەگەڵ ڤلادمیر پوتین سەرۆکی رووسیا راگەیاند کە تورکیا ئامادەیە میوانداری لە دانوستانەکانی نێوان رووسیا و ئۆکراینا بکات.

بەگوێرەی راگەیەندراوەکەی بەڕێوەبەرایەتی پەیوەندییەکانی سەرۆکایەتی کۆماری تورکیا، رەجەب تەیب ئەردۆغان، سەرۆک کۆماری تورکیا پەیوەندییەکی تەلەفۆنی لەگەڵ ڤلادمیر پوتین، سەرۆکی رووسیا ئەنجام داوە.

لە میانی دیدارەکەدا پەیوەندییە دووقۆڵییەکانی نێوان تورکیا و رووسیا، پرسە ناوچەیی و جیهانییەکان تاوتوێ کرا.

لە میانی دیدارەکەدا ئەردۆغان بە پوتینی راگەیاند کە لێدوانەکەی سەبارەت بەوەی دانوستانەکانی ئاشتی نێوان رووسیا و ئۆکرانیا لە ئیستانبوول لەو شوێنەی لێوە وەستاون بەردەوام دەبێت، پێشوازی لێکراوە و تورکیا ئامادەیە میوانداری دانوستانەکان بکات کە دەبێتە هۆی چارەسەری هەمیشەیی.

ئەردۆغان سەرۆک کۆماری تورکیا رایگەیاند کە پەنجەرەیەک لە دەرفەت بۆ گەیشتن بە ئاشتی کراوەتەوە و ئاگربەستێکی گشتگیر کەشێکی پێویست بۆ دانوستانەکانی ئاشتی دروست دەکات.(İLKHA)